日本高級私房料理廚師發辦

依家香港有唔同既omakase，食材做法未必有好大分別，而呢間以日本高級食材製成私房料理，主廚創作料理，菜式都會比較特別。裝潢行型格路線，店內有日本武士擺設，有別於傳統日式，現代感重，除左吧枱仲有幾個卡位 餐廳提供兩個set可以揀，但最特係有「客人發板」，姐係可以下次預訂時提前同師傅講想食咩，設計個自訂menu每位約$1000起 餐廳老闆好鍾意酒，酒杯都係喺日本買返黎，精緻特別，每星期一至三仲會請飲sake，酒鬼就最啱 🌟龍蝦、牡丹蝦、拖羅 龍蝦爽甜，牡丹蝦甜糯，最後食肥美拖羅 🌟象拔蚌、帶子 象拔蚌切成薄片，好爽口，之後再食大粒既帶子，軟腍鮮甜 🌟沙甸魚卷 中間包咗柚子大根漬，咬落爽爽地，仲有紫蘇葉同芝麻，唔需要額外點豉油 🌟海膽杯 海膽杯下面係三文魚子同拖羅蓉，可以將佢微微拌勻之後包紫菜食。食落滿滿咸鮮味，海膽鮮甜 🌟日本蔬菜煮物 蔬菜有大根、南瓜同甘筍，自製手工蝦丸加上松葉蟹羹。蔬菜都煮得非常腍，蝦丸好爽實，仲會咬到蝦肉，松葉蟹羹食落更加甜 🌟汁燒呑拿魚面頰 燒汁加咗薑，食落會比較重薑味，呑拿魚面頰軟滑 🌟大閘蟹王茶碗蒸 表面既蟹黃由阿拉斯加蟹同毛蟹既蟹肉蟹膏整成，茶碗蒸加咗有機粟子蓉，蟹王鮮味好突出，茶碗蒸好軟 🌟汁燒兵庫縣姫路A5+和牛 用咗兵庫縣姫路A5+ 和牛，BMS達12，係和牛最頂級，油花比例好靚，和牛好濃肉味，又唔會覺得膩，師傅講呢個農場係將啲牛自由放養18個月，唔會夾硬用飼料谷肥啲牛 燒汁帶少少果香，果酸令到冇咁油膩，入口非常軟嫩，有入口即溶既感覺， 🌟澳洲龍蝦黃金燒 簡單用鹽調味，表面搽上純蛋黃去燒，表面係金黃色，龍蝦肉質爽實 🌟海膽鮑魚飯 飯底有黑松露、芝麻同海膽，之後加上鐵板燒慢煮鮑魚同海膽，再淋上毛蟹殼熬製嘅醬汁。將醬汁同飯拌勻食，味道都較濃郁，鮑魚腍帶咬口 🌟臘魚湯 將鱲魚煎香之後用最簡單嘅調味去熬煮，魚湯呈奶白色，魚味香濃 🌟靜岡蜜瓜 好清甜既蜜瓜，完咗呢個set 📍曜 銅鑼灣登龍街28號永光中心16樓 #熱門菜式